Xalq artisti, dünya şöhrətli muğam ustası Alim Qasımov Tehranın Beynəlxalq Sərgi Mərkəzinin “Milad” salonunda möhtəşəm konsert proqramı ilə çıxış edib. Üç saata yaxın fasiləsiz davam edən konsertdə Alim Qasımov əsl xariqələr yaradıb. İki mindən çox tamaşaçı qarşısında təxminən 50 dəqiqə çəkən “Rast” dəstgahının ifası isə konsertin kulminasiya nöqtəsi olub.
Ustad sonda “Sarı gəlin” mahnısını ifa edib. Gecədə Alim Qasımovun bir neçə il əvvəl Təbrizdə verdiyi konsertdən hazırlanmış diskinin təqdimatı da olub.
Muğam ustasının səfər proqramına Təbriz və Ərdəbildə də konsertlər daxildir.