4-7 iyun tarixində məşhur estrada müğənnisi, Yuqoslaviya və Serbiyanın Xalq artisti Radmila Karaklaiçin Bakıya səfəri nəzərdə tutulub. Radmilla Karaklaiç ötən əsrin 60-80-ci illərində dəfələrlə Azərbaycanda qastrol səfərində olub. Sənətçinin konsertləri böyük uğur qazanıb, pərəstişkarları tərəfindən rəğbətlə qarşılanıb. Səfərin Azərbaycan və Serbiya arasında mədəni əlaqələrin inkişaf etdirilməsində böyük əhəmiyyət kəsb etdiyi nəzərə alınaraq müğənni üçün maraqlı səfər proqramı tərtib edilib.