Dekabrın 19-da Müslüm Maqomayev adına Azərbaycan Dövlət Filarmoniyasında Əməkdar İncəsənət Xadimi Fərəc Qarayevin simfonik orkestr üçün redaktəsində görkəmli Avstriya bəstəkarı Arnold Şönberqin, Rusiya-Amerika bəstəkarı Artur Luryenin əsərlərindən, həmçinin bəstəkarın öz əsərindən ibarət konsert olacaq.
Konsertdə Üzeyir Hacıbəyli adına Azərbaycan Dövlət simfonik orkestri tərəfindən Arnold Şönberqin “İntizar”, Artur Luryenin “Syntheses”, həmçinin F.Qarayevin “Vingt ans apres - nostalgie...” əsərləri səslənəcək. Konsertin dirijoru Xalq artisti Rauf Abdullayev, solisti Əməkdar artist Fəridə Məmmədovadır.