Xəbər verdiyimiz kimi, sentyabrın 1-dən 6-dək Bakıda ilk dəfə disk jokeylərin (DJ) dünya çempionatı keçirilib. Red Bull Thre 3 Style dünya finalı Mədəniyyət və Turizm Nazirliyinin dəstəyi ilə gerçəkləşib.
Dörd gecə davam edən yarışların nəticələrinə görə, dörd finalçı müəyyənləşdirilib. Bunlar Filippindən Carlo Atendido, Braziliyadan Cinara, ABŞ-dan Trayze və Almaniyadan Eskei83 olub. Əfsanəvi DJ Jazzy Jeffin başçılıq etdiyi münsiflər heyəti daha iki iştirakçını - İrlandiyadan Flip və sevilən həmyerlimiz DJ Twisti də finala buraxıb.
Sentyabrın 6-da “Baku Crystal Hall”ın mətbuat mərkəzində yarışmanın final mərhələsi keçirilib. Yarışın qalibi Almaniyadan DJ Eskei83 olub.