Oktyabrın 10-dan 17-dək Türkiyənin Azərbaycandakı səfirliyinin təşəbbüsü və dəstəyi ilə Bakıda Türkiyə caz festivalı keçiriləcək. Səfirlikdən verilən məlumata görə, tədbir Azərbaycanda fəaliyyət göstərən türkiyəli sənətçi Oya Ergünün koordinatorluğu ilə gerçəkləşəcək.
Fərqli məkanlarda keçiriləcək tədbir çərçivəsində Türkiyənin altı tanınmış qrupu konsert verəcək. Festivalda həmçinin “Türkiyədə caz” adlı film təqdim ediləcək.
Türkiyənin Azərbaycandakı səfiri İsmail Alper Coşkun ümidvar olduğunu bildirib ki, festival azərbaycanlı sənətsevərlərin xoşuna gələcək. Festival konsertlərinə giriş pulsuz olacaq.