Dekabrın 2-də Beynəlxalq Mətbuat Mərkəzində Müharibə Veteranları və Beynəlmiləlçi Hərbçilər İctimai Birliyinin təşəbbüsü ilə Azərbaycan Respublikasının Silahlı Qüvvələrinə həsr edilən “Müharibə” mahnısının və onun əsasında çəkilən klipin təqdimatı olub.
İdeya müəllifi Əfqanıstan və Qarabağ müharibələrinin iştirakçısı, ehtiyatda olan polkovnik Əzizağa Qənizadə, musiqisi Elçin İmanova məxsus olan mahnı gənc nəslin vətənpərvərlik ruhunda tərbiyə olunmasına töhfədir. Mahnını Rəşad İsmayıl ifa edir.
Tədbirdə Əzizağa Qənizadə, Elçin İmanov, ifaçı Rəşad İsmayıl və digərləri çıxış edərək mahnı və kliplə bağlı fikirlərini söyləyiblər.