Dekabrın 2-də Heydər Əliyev Sarayında Beynəlxalq Əlillər Gününə həsr olunmuş konsert keçirilib. Heydər Əliyev Sarayı və “Pənah” əlillərin müdafiəsi cəmiyyətinin təşkilatçılığı ilə keçirilən konsertin məqsədi fiziki qüsurlu istedadları səhnəyə çıxarmaq idi.
Əməkdar artistlər Gülyanaq Məmmədova, Gülyaz Məmmədova, Könül Xasıyeva, müğənnilər Seyran Mirqəniyev, Bəturə Hüseynova, Murad Sadıq və aşıq Telli Borçalı fiziki qüsurlu istedadlara dəstək məqsədilə onlarla eyni səhnəni bölüşüblər. Müğənniləri səhnədə “Nur” instrumental ansamblı və fiziki qüsurlulardan ibarət “Duyğu” ansamblı müşayiət edib.