Gənc və istedadlı vokalçı Ramil Qasımov Böyük Britaniyanın paytaxtı Londonda “Səni tərənnüm edirəm, müasir Azərbaycanım” adlı geniş konsert proqramı ilə çıxış edəcək. Ramil Qasımov bildirib ki, London Simfonik Orkestri ilə birgə çıxış edəcəyi konsertin proqramına görkəmli Azərbaycan bəstəkarları Üzeyir Hacıbəyli, Fikrət Əmirov, Tofiq Quliyev, Rauf Hacıyev, Səid Rüstəmovla yanaşı, dünya bəstəkarlarının da əsərləri daxil edilib. Konsertin yaxın aylarda reallaşdırılması nəzərdə tutulur.