Mayın 30-da Yaşıl Teatrda Rusiyanın “Bi-2” rok qrupunun konserti olacaq. Qrup 1988-ci ildə Belarusda yaradılıb. 1999-cu ildə Rusiyaya köçəndən sonra daha da fəallaşıb. “Bi-2” 2000-ci illərdə Rusiyanın ən uğurlu qruplarından biri sayılır.
Qrupun «#16plyus» adlı doqquzuncu studiya albomu 2014-cü il sentyabrın 16-da işıq üzü görüb. Qrup Bakıda elə bu albomundakı kompozisiyalarını təqdim edəcək. Qrupun üzvləri: Lyova Bi-2 - vokal, Çura Bi-2 - vokal, gitara, Andrey Zvonkov- gitara, Maks Lakmus - bas-gitara, Boris Lifşits - zərb, Yanik Nikolenko - klavişli alətlər.