Kremldə keçiriləcək konsertdə azərbaycanlı bəstəkarın əsərləri səslənəcək

Martın 12-də Rusiya Sülh Fondunun təşəbbüsü ilə Moskvada, Dövlət Kreml Sarayında "Məhəbbətin doğum günü" adlı konsert proqramı keçiriləcək. Böyük Vətən müharibəsində qələbənin 70 illiyinə və Beynəlxalq Qadınlar Gününə həsr olunan tədbirdə tanınmış azərbaycanlı bəstəkar, müğənni, beynəlxalq müsabiqələr laureatı Rizvan Sədirxanovun da mahnıları səslənəcək.
2014-cü ildə Mədəniyyət və Turizm Nazirliyinin dəstəyi ilə bəstəkar və müğənni Rizvan Sədirxanovun "Səmimi qəlbdən" adlı mahnılar toplusu nəşr olunub.