Türkiyəli müğənni Bakıda yeni diskini təqdim edib

Martın 4-də Beynəlxalq Mətbuat Mərkəzində türkiyəli müğənni Oya Ergünün “Sevgilim” adlı diskinin təqdimat mərasimi keçirilib. Diskə böyük sənətkar, SSRİ Xalq artisti Rəşid Behbudovun repertuarından 14 mahnı daxil edilib. Oya Ergün dünya şöhrətli ifaçının vaxtilə ifa etdiyi “Ayrılıq”, “Küçələrə su səpmişəm”, “Lalələr”, “Alagöz”, “Sevgilim”, “Reyhan” və digər musiqi nümunələrini səsləndirib. Diskdə bəstəkar mahnıları ilə yanaşı, Azərbaycan xalq mahnıları da yer alıb.