Nyu-Yorkda keçirilmiş “Simli alətlər - XXI əsrin musiqisi” beynəlxalq festivalında gənc azərbaycanlı bəstəkar Türkər Qasımzadənin “In absentia” əsəri ifa olunub. Əsəri amerikalı skripkaçı Erika Dikker ustalıqla səsləndirib.
Türkər Qasımzadə bildirib ki, aprelin 2-də ABŞ-ın Sinsinnati şəhərində keçirilən incəsənət festivalı çərçivəsində amerikalı violonçelçi Qreqori Roland Evansın ifasında onun solo violonçel üçün yazdığı “Tövbələr” əsəri səsləndirilib. Əsər aprelin 17-si və 19-da Sinsinnatidə digər konsertlərdə də ifa olunacaq.
Qeyd edək ki, hazırda ABŞ-da olan Türkər Qasımzadə Manhetten Konservatoriyasının (magistr dərəcəsi) və Sinsinnati Universitetinin (doktor dərəcəsi) məzunudur. O, hər iki musiqi müəssisəsində Heydər Əliyev Fondunun dəstəyi ilə təhsil alıb.