İfaçılarımız Həştərxanda beynəlxalq festival-müsabiqəyə qatılacaqlar

Sentyabrın 14-dən 20-dək Rusiyanın Həştərxan şəhərində ("Qızıl çölün səsləri-2015") V beynəlxalq etnomusiqi festival-müsabiqəsi keçiriləcək. Festivala Rusiyanın bir neçə regionundan, Azərbaycan və Qazaxıstandan 200 nümayəndənin qatılacağı gözlənilir.
Yaradıcılıq yarışları "Ənənəvi xalq instrumental ifaçılığı", "Solo xalq ifaçılığı", "Ənənəvi xalq xoreoqrafiyası", "Ənənəvi xalq ansambl ifaçılığı" nominasiyalarında aparılacaq. Münsiflər heyətinə Rusiya, Fransa, Xorvatiya, Şri-Lanka, Belarus, Litva, Bosniya və Herseqovina, Azərbaycan, Böyük Britaniya, Çin, Almaniya və İtaliyadan folklorçular, etnomusiqi üzrə tədqiqatçılar daxildir. Festival çərçivəsində, həmçinin müsabiqələr, sərgilər, ustad dərsləri və yaradıcılıq görüşləri keçiriləcək.