Azərbaycan Dövlət Akademik Opera və Balet Teatrının gənc dirijoru, beynəlxalq müsabiqələr laureatı, Prezident mükafatçısı Əyyub Quliyev oktyabrın 20-dən 25-dək Minsk şəhərinə qastrol səfərinə dəvət olunub. O, Azərbaycan və Belarus Opera və Balet teatrları arasında əməkdaşlıq memorandumuna uyğun olaraq oktyabrın 24-də Minsk Böyük Akademik Opera və Balet Teatrında P.İ.Çaykovskinin “İolanta” operasının tamaşasına dirijorluq edəcək.