BBC teleradio şirkətinin rus xidmətinin internet portalında “Sizin fotolarınız” bölməsində mütəmadi olaraq oxucularının göndərdiyi fotolardan ibarət tematik qalereya təqdim edir. Ötən həftənin foto qalereyası “Üç rəng” mövzusuna həsr olunub (http://www.bbc.com/russian/media-37063630).
Qalereyada Azərbaycan mətbəxinin təbliğinə yönələn şəkil də yer alıb. Təbiət, münasibətlər, meqapolis və digər mövzulara aid fotolarla yanaşı, Azərbaycan mətbəxinin ləziz yeməklərindən biri saytın seçilən şəkilləri sırasına daxil edilib. Azərbaycandan həvəskar fotoqraf Lalə Sevilin “badımcan dolması”, yaxud “üç bacı” dolması” kimi tanınan təamın fotosu portalda bu yazı ilə müşayiət olunur: “Badımcan dolması badımcan, pomidor və bibərdən bişirilir. Bu, Azərbaycan mətbəxinin ən sevilən yay yeməyidir”.