Fevralın 8-də dünyanın bir çox ölkəsində olduğu kimi, Azərbaycanda da Təhlükəsiz internet günü (Safer Internet Day) qeyd olunacaq. 2004-cü ildə Avropa Komissiyası tərəfindən təsis edilən bu gün internetin təhlükəsizliyinin təmin olunması istiqamətində reallaşdırılan qlobal kampaniyanın bir hissəsidir və hər il fevral ayının ilk çərşənbə axşamı keçirilir. Həmin gün təşkil olunan tədbirlər internet texnologiyalarının uşaqlar və yeniyetmələr arasında daha təhlükəsiz və məsuliyyətli istifadə olunmasının təbliğatına yönəldilir. Cari ildə tədbir “Bu, adi bir oyundan daha ciddidir, bu, sənin həyatındır” şüarı ilə keçiriləcək.