“Bakı Beynəlxalq Humanitar Forumu ölkələrarası münasibətlərin inkişafına öz töhfəsini verir və forum artıq özünün miqyası ilə dünyada tanınır”. Bu sözləri Rusiya Prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy İTAR-TASS informasiya agentliyində keçirdiyi mətbuat konfransında söyləyib. Bu ilin oktyabrında keçiriləcək növbəti forum barədə danışan M.Şvidkoy tədbirin bir sıra vacib məsələlərin müzakirəsi baxımından böyük önəm daşıdığını bildirib. O, Bakı Forumuna hazırlığın çox yüksək səviyyədə davam etdirildiyini qeyd edib.