Mayın 24-də İranın paytaxtı Tehrandakı “Bəharan” mədəniyyət salonunda Dədə Şəmşir adına beynəlxalq aşıq musiqisi festivalı keçiriləcək. Bu barədə İran Aşıqlar Birliyinin yaradıcısı və rəhbəri aşıq Səlcuq Şahbazi məlumat verib.
Tədbirə İranın bütün bölgələrindən aşıqlar qrupu dəvət olunub. Festivala Azərbaycan, Türkiyə və Gürcüstandan da aşıqlar qatılacaq. Festivalın yekununda 6 ustad aşıq “Dədə Şəmşir” diplomu ilə təltif ediləcək.