Sentyabrın 30-da Cəfər Cabbarlı adına “Azərbaycanfilm” kinostudiyasının 90 illik yubileyi qeyd olunacaq. Kinostudiyanın direktoru Müşfiq Hətəmovun bildirdiyinə görə, tədbir Nizami Kino Mərkəzində keçiriləcək. İctimaiyyət nümayəndələrinin, kino xadimlərinin iştirak edəcəyi tədbirə bir sıra xarici qonaqların qatılacağı da gözlənilir. Yubileylə əlaqədar paytaxt və rayonlarda son illərdə dövlət sifarişi ilə çəkilən filmlərin nümayişi nəzərdə tutulub.