![](/img/news/700x420/17594.jpg)
Astara rayonundakı Heydər Əliyev Mərkəzində Azərbaycan Dövlət Rəssamlıq Akademiyasının professoru, Əməkdar rəssam Fərman Qulamovun 70 illiyi ilə əlaqədar tədbir keçirilib. Tədbiri Mədəniyyət və Turizm Şöbəsinin müdiri Şadoğlan Bayramov açıb, sonra rayon İcra Hakimiyyətinin başçısı Qəzənfər Ağayevin yubilyara ünvanlanan təbriki oxunub.
Astara Dövlət Rəsm Qalereyasının direktoru Naibə Mustafayeva, fırça ustası Heybət Hüseynov və başqaları çıxış edərək qocaman rəssama yeni yaradıcılıq uğurları arzulayıblar. Sonda yubilyar Fərman Qulamov tədbirin təşkilatçılarına və iştirakçılarına minnətdarlığını bildirib.