Fevralın 11-də Mingəçevir Şəhər Tarix Muzeyində “Multikulturalizm Azərbaycan xalqının həyat tərzidir” mövzusunda dəyirmi masa keçirilib. Tədbirdə şəhər İcra Hakimiyyəti İctimai-siyasi və humanitar məsələlər şöbəsi müdirinin müavini Sahib Əliyev, Mingəçevirdəki Heydər Əliyev Mərkəzinin direktoru Bəxtiyar Mustafayev, Mədəniyyət və Turizm Şöbəsinin əməkdaşları iştirak edib.
Muzeyin direktoru Nofər Məmmədəliyev məruzə ilə çıxış edərək əsrlərdir ölkəmizdə mövcud olan multikultural dəyərlərdən danışıb. II Dünya müharibəsindən sonra Mingəçevirdə saxlanılan alman əsirlərinə göstərilən tolerant münasibətdən bəhs edən video-slayd nümayiş etdirilib.