Hacıqabul şəhər Folklor klubunda rayon “Gənc mədəniyyət işçilərinin koordinasiya kreativ qrupu”nun və Heydər Əliyev Mərkəzinin təşkilatçılığı ilə “Multikulturalizim ili”nə həsr olunmuş Karl Popper formatlı “Debat” intellektual oyununun final mərhələsi keçirilib.
Rayonun 16 məktəbinin iştirak etdiyi yarışda 4 saylı tam orta məktəbin “Ana yurdum” komandası I yeri qazanıb, kubok və diplomla mükafatlandırılıb. II yeri 10 saylı orta məktəbin “Üç muşketyor”, III yeri Qarasu kənd orta məktəbin “Bermud” komandası tutub. Pirsaat kənd tam orta və 7 saylı orta məktəbin komandalarına həvəsləndirici mükafatlar verilib.