Cəlilabad şəhərində 1 saylı şəhər kitabxana filialının inzibati binası əsaslı təmir və yenidənqurma işlərindən sonra oxucuların ixtiyarına verilib.
Açılışda rayon İcra Hakimiyyətinin, ictimaiyyətin nümayəndələri və kitabxananın oxucuları iştirak edib.
Kitabxanada əsaslı təmir və yenidənqurma işləri rayonun iş adamları və sahibkarlarla aparılan söhbət sayəsində onların köməkliyi ilə aparılıb. Kitabxanada yeni oxucuların cəlb olunması və oxucuların səmərəli mütaliəsini təşkil etmək üçün pulsuz xidmət göstərən “Bookcafe” də yaradılıb.