Bərdə şəhərindəki Heydər Əliyev adına parkda “Mütaliə həftəsi” keçirilib. Bərdə rayon Mərkəzi kitabxanasının təşkilatçılığı ilə keçirilən kitab sərgisində müxtəlif sahələri əhatə edən nəşrlər nümayiş etdirilib.
Mərkəzi kitabxananın şöbə müdiri Almaz Zülfüqarova bildirib ki, “Mütaliə həftəsi”nin təşkil edilməsində məqsəd insanların kitaba marağını artırmaqdır. Bu cür tədbirlər MKS-nin kitabxana filialları tərəfindən mütəmadi olaraq keçiriləcək.
Açıq havada təşkil olunan kitabxana xidməti sakinlər tərəfindən maraqla qarşılanıb.