Bərdə rayon Mədəniyyət mərkəzinin filialları olan Kələntərli kənd mədəniyyət evi və Qasımbəyli kənd klubunun bədii özfəaliyyət kollektivləri 15 sentyabr - Bilik günü münasibətilə “Mənim ilk müəllimim” adlı ədəbi-bədii kompozisiya və konsert proqramı təqdim edib.
Mədəniyyət ocaqlarının rəhbərləri Nəzakət Sədiyeva, Şücayət Talıbova çıxış edərək şərəfli peşə sahibləri olan müəllimləri Bilik günü münasibətilə təbrik edib, gənc nəslin təlim-tərbiyəsində onların əvəzsiz rolundan danışıblar. Qeyd olunub ki, zamanla illər illərə calanır, çox şey unudulur, lakin heç vaxt ilk müəllim xatirədən silinmir.
Kələntərli kənd mədəniyyət evinin mədəni təşkilatçısı Ədalət Bəşirovun ifa etdiyi musiqi nömrələri iştirakçılara xoş ovqat bəxş edib.