Sumqayıt şəhərindəki 28 May mədəniyyət evinin nəzdində vaxtilə fəaliyyət göstərmiş Xalq teatrı 16 illik fasilədən sonra tamaşaçıların görüşünə gəlib.
Həvəskar kollektiv Üzeyir Hacıbəylinin “Arşın mal alan”, “O olmasın, bu olsun” və “Leyli və Məcnun” əsərləri əsasında “Mənim yaratdıqlarım” adlı tamaşa hazırlayıb. Tamaşanın rejissoru Amil Babayev, quruluşçu rəssamı Aytən Xanəliyeva, musiqi tərtibatçısı Kazım Əsgərlidir.
Əsasən tərkibi gənclərdən ibarət olan yaradıcı heyətin çıxışı tamaşaçılar tərəfindən alqışlarla qarşılanıb.