Şəki MKS-nin İ.S.Nakam adına Mərkəzi kitabxanasında maarifçi-pedaqoq, şair-publisist mərhum Tofik Qaffarovun “Gözümün işığı, dilimin sözü” kitabının təqdimatı keçirilib.
Kitabın tərtibçisi və “ön söz”ün müəllifi, filologiya üzrə fəlsəfə doktoru Kamil Adışirinov, İcra Hakimiyyətinin məsul işçiləri şair Mayis Səlim və Günəş Süleymanova, “Şəki İpək İstehsalat” ASC Həmkarlar Komitəsinin sədri Sevil İsmayılova, Təhsil şöbəsinin müdir müavini Elxan Abdullayev, Şəki Regional Elmi Mərkəzinin direktoru Yusif Şükürlü və başqaları kitabın məziyyətindən danışıb, müəlliflə bağlı xatirələrini bölüşüblər.
Tələbə və şagirdlər T.Qaffarovun şeirlərini səsləndiriblər. Sonda şairin oğlu Elçin Qaffarov və qızları tədbirin təşkilinə görə minnətdarlıqlarını bildiriblər.