Noyabrın 7-də Heydər Əliyev adına Tbilisi Azərbaycan Dövlət Dram Teatrı Gürcüstan paytaxtındakı Marcanişvili adına Dövlət Teatrında Xalq yazıçısı Elçinin “Qatil” əsəri əsasında hazırlanmış eyniadlı tamaşanı təqdim edib. Tamaşanın rejissoru Namiq Valehoğludur. Baş rolları Şeyla Cəfərova, Aslan və Marina Məmmədovlar və Fazil Bayramov ifa ediblər.
   N.Valehoğlu bildirib ki, tamaşa Azərbaycan Respublikasının Diasporla İş üzrə Dövlət Komitəsinin dəstəyi və Gürcüstanda Azərbaycan Mədəniyyətinin İnkişafı Mərkəzinin təşəbbüsü ilə hazırlanıb.