Fevralın 17-18-də Dövlət Rus Dram Teatrının səhnəsində "İntriqant arvad və ya öz aralarında aktyorlar" tamaşası təqdim olunacaq. Tamaşanı Rusiyanın Xalq artisti, SSRİ dövlət və Rusiya hökuməti mükafatı laureatı İrina Muravyovanın benefisi də adlandırmaq olar. Şair İlya Selvinski yazırdı: “İllər keçdikcə sən dəyişmirsən”. Bu cümlə bugünkü İrina Muravyovanın xarakterinə uyğun gəlir. O, “Moskva göz yaşlarına inanmır” filmində olduğu kimi yenə gözəl və emosionaldır. Tamaşanın quruluşçu rejissoru aktrisanın həyat yoldaşı, Rusiyanın əməkdar incəsənət xadimi Leonid Eydlindir.
   Komediyada həmçinin Rusiyanın Xalq artisti, Dövlət mükafatı laureatı Yulyen Balmusov və Rusiyanın əməkdar artistləri Boris Şuvalov və Aleksandr Andrienko rol alıblar.