- 02-05-2012
- 748
Mayın 29-dan iyunun 29-dək Moskvada Rusiya Teatr Xadimləri İttifaqının VI Beynəlxalq yay teatr məktəbi keçiriləcək. MDB, Baltikyanı və digər ölkələrin aktyorları yay məktəbində təlim keçəcək, yaradıcılıq mübadiləsi aparacaq, yeni teatr layihələri üzərində işləyəcəklər. Məktəbin bədii rəhbəri Rusiyanın Xalq artisti Aleksandr Kalyagindir. Ölkəmizi yay məktəbində Akademik Opera və Balet Teatrının artistləri Kamilla Hüseynova və Fərid Əliyev təmsil edəcəklər. Teatrdan bildiriblər ki, təlimlər başa çatdıqdan sonra tamaşaçılara 6 tamaşa, 6 teatr layihəsi təqdim olunacaq.
