Azərbaycan Rəssamlar İttifaqının təşəbbüsü ilə noyabrın 25-də Vəcihə Səmədova adına Sərgi salonunda rəssam Natiq Əhmədzadənin fərdi sərgisi keçiriləcək. Sənətkarın 50 illik yubileyinə həsr olunmuş sərgidə müxtəlif janrda rəngkarlıq nümunələri nümayiş olunacaq. Qeyd edək ki, azərbaycanlı rəssamın əsərləri Azərbaycan Mədəniyyət və Turizm Nazirliyinin fondunda, Azərbaycan, Rusiya, Türkiyə, ABŞ, Fransa, İngiltərə, İtaliya və Norveçdə şəxsi kolleksiyalarda saxlanılır. Rəssam bir sıra beynəlxalq sərgilərin də iştirakçısı olub.