Bu gün Bakı Şəhər Mədəniyyət və Turizm İdarəsinin təşkilatçılığı ilə Şüvəlan Mədəniyyət Evində Azərbaycan Rəssamlar İttifaqının üzvü Zərifə Seyidəliyevanın “Azərbaycan dekorativ xalq sənəti inciləri” adlı 15-ci fərdi sərgisi keçirilir.
   Sərgidə Z.Seyidəliyevanın tikmələrindən (quramalar, portretlər, mənzərə və miniatürlər) ibarət 133 əl işi nümayiş etdiriləcək.
   Qeyd edək ki, Z.Seyidəliyevanın 500-ə yaxın tikmələrinin bir hissəsi ABŞ, Almaniya, İsrail, İtaliya, İngiltərə, Yaponiya, Polşa, Fransa, İran, Türkiyə və digər ölkələrdə, şəxsi kolleksiyalarda, bir hissəsi isə muzeylərdə saxlanılır.
   
   RÖYANƏ