Oktyabrın 25-də Muzey Mərkəzində tanınmış rəssam Marqarita Kərimova-Sokolovanın 70 illiyinə həsr olunmuş fərdi sərgisi açılacaq. “100 AN” adlanan yeni ekspozisiyada miniatür əsərlər nümayiş olunacaq. Sərgi beş gün davam edəcək.
   Marqarita Kərimova-Sokolova 1969-cu ildən SSRİ və Azərbaycan Rəssamlar İttifaqının, UNESCO Beynəlxalq Rəssamlar Federasiyasının üzvüdür. Rəssamın Rusiya, Amerika, Almaniya, Fransa, Avstriya, Polşa, İtaliya, Kuba, Rumıniya sərgiləri keçirilib. Onun əsərləri bir çox ölkələrin muzeylərində, rəsm qalereyalarında və fərdi kolleksiyalarda saxlanılır.