Noyabrın 28-dən dekabrın 12-dək Brüsseldə türk dünyası rəssamlarının əsərlərindən ibarət sərgi keçiriləcək. TÜRKSOY-un təşkilatçılığı ilə keçirilıcək sərgi türkdilli respublikaların dövlət müstəqilliklərinin 20-ci ildönümünə həsr olunub.
   Azərbaycan, Türkiyə, Qazaxıstan, Qırğızıstan, Özbəkistan, Türkmənistan, Şimali Kipr və Rusiya Federasiyasının türkdilli muxtar respublikaları rəssamlarının əsərlərinin nümayiş olunacağı sərginin açılışında Türkiyənin Avropa İttifaqı məsələləri üzrə naziri Egemen Bağış və TÜRKSOY-un baş katibi Düsen Kaseinov iştirak edəcəklər. Açılış mərasimində Ankara Dövlət Opera və Balet Teatrının azərbaycanlı solisti Nailə Əhmədovanın da iştirak edəcəyi konsert olacaq.