Yanvarın 24-dən fevralın 2-dək Bakı Muzey Mərkəzinin İncəsənət Qalereyasında italyan fotoqrafların sərgisi keçiriləcək. Sərgi tarix, arxeologiya və abidələrin peyzajı nöqteyi-nəzərdən ən gözəl fotoşəkillərdən ibarət olacaq. Tədbir İtaliyanın birləşməsinin 150 illiyinə yubileyinə həsr edilib.
   Sərgi Azərbaycan Mədəniyyət və Turizm Nazirliyi ilə əməkdaşlıq çərçivəsində həyata keçirilir. Qonaqlar UNESCO-nun Dünya mədəni irs siyahısına düşən 43 abidəni də seyr etmək imkanı qazanacaqlar.