Mart ayında “Qız qalası” incəsənət qalereyasında tanınmış rəssam, Azərbaycan Dövlət Rəssamlıq Akademiyasının baş müəllimi, fəlsəfə elmləri doktoru Rəşad Mehdiyevin fərdi sərgisi açılacaq. Bakı Şəhər Mədəniyyət və Turizm İdarəsindən bildiriblər ki, sərgidə rəssamın müxtəlif janrlarda yaratdığı əsərləri nümayiş olunacaq. Rəşad Mehdiyev BMT-nin Vyanadakı Avropa Ofisində 2006-cı ildə fərdi sərgisi keçirilmiş nüfuzlu rəssamlardan biridir. Onun rəsm əsərləri hazırda Amerika, Asiya və Avropa ölkələrində şəxsi kolleksiyalarda saxlanılır.