“Park Bulvar” Ticarət və Əyləncə Mərkəzində rəssam Mülayim Qasımovanın “Red & Black” (“Qırmızı və Qara”) adlı sərgisi açılıb. Rəssam qonaqlara sərgi haqqında məlumat verərək bildirib ki, sərgidə gənc rəssamın qırmızı və qara rənglərdə çəkilmiş əsərləri, eləcə də bu üslubda qadın aksessuarları, saxsı qablar və əl işləri nümayiş olunur.
   Uşaqlıqdan yaradıcılıqla məşğul olduğunu söyləyən Mülayim Qasımova bu sərgiyə 6 il müddətində hazırlaşdığını söyləyib. Onun əsərləri həmçinin 2 il əvvəl Müasir İncəsənət Qalereyasında nümayiş etdirilib. Fevralın 28-dək davam edəcək sərgidə rəssamın 50 işi nümayiş olunur.