Moskvada, Xarici Ədəbiyyat Kitabxanasının Ağ zalında tanınmış azərbaycanlı fırça ustası, Rusiyanın Xalq rəssamı Əsgər Məmmədovun fərdi sərgisi açılıb. “Qəlbin iki qanadı” adlı sərgi Heydər Əliyev Fondunun Rusiya nümayəndəliyi və ölkəmizin Rusiyadakı səfirliyinin dəstəyi ilə təşkil edilib.
   Sevgi və dostluq hisslərinin həmişə yaradıcılığının əsas mənbəyi olduğunu deyən rəssam qeyd edib ki, sərginin “Qəlbin iki qanadı” adlanması Azərbaycan və Rusiyanın dostluğunu ehtiva edir. Sərgidə rəssamın 50-yə yaxın işi, o cümlədən Xocalı faciəsinə, Qarabağ dağlarına, ölkəmizin tarixinin müxtəlif mərhələlərinə həsr edilmiş əsərləri təqdim olunub. Sərgi martın 11-dək davam edəcək.