Xəbər verdiyimiz kimi, ötən il sentyabrın 20-21-də Astanada keçirilmiş TÜRKSOY Mədəniyyət Nazirləri Daimi Şurasının XXIX toplantısının qərarına əsasən Qazaxıstanın paytaxtı Astana şəhəri 2012-ci il üçün “Türk dünyasının mədəniyyət paytaxtı” seçilib. Bu münasibətlə iyunun 12-də Astana şəhərində TÜRKSOY-un təşkilatçılığı ilə silsilə tədbirlərə start verilib. İyunun 17-dək davam edəcək bu tədbirlərdə Azərbaycanı Bakı Şəhər Mədəniyyət və Turizm İdarəsinin “Cəngi” estrada-folklor ansamblı təmsil edir. Ansambl Astana və Almatı şəhərlərində rəngarəng konsert proqramı ilə çıxış edəcək.