İyunun 22-də Milli İncəsənət Muzeyində Azərbaycan təsviri incəsənətinin görkəmli nümayəndəsi Bəhruz Kəngərlinin (1892-1922) 120 illiyinə həsr olunmuş sərgi keçiriləcək. Cəmi 30 il ömür sürmüş və 7 il yaradıcılıq fəaliyyəti ilə məşğul olmağa macal tapmış Bəhruz Kəngərli 2000-ə qədər rəsm əsəri yaradıb. O, realist ifadəliliyi, yüksək bədii-estetik dəyəri ilə diqqəti cəlb edən çoxlu portret, mənzərə, natürmort çəkib.