Türkiyənin məşhur “Qurdlar vadisi” serialı “Star” telekanalında yayımlanmayacaq. Bu barədə teleserialı çəkən “Pana film” şirkətinin rəsmi saytında məlumat verilib.
   Məlumatda qeyd olunur ki, növbəti mövsümdə (sentyabrdan etibarən) teleserial başqa telekanalda göstəriləcək. “Pana film” şirkətinin belə bir qərarına səbəb isə “Star” telekanalında futbol matçları ilə əlaqədar “Qurdlar vadisi”nin yayımı ilə bağlı fasilələrin yaranmasıdır.