Azərbaycan Dövlət Mədəniyyət və İncəsənət Universitetinin foyesində sənətşünaslıq fakültəsinin teatrşünaslıq ixtisası üzrə IV kurs tələbəsi Babək Novruzovun “Təxəyyül və şəxs” adlı fotosərgisi təşkil edilib. Sərgidə 60-a yaxın foto işi nümayiş olunur. Sərginin açılışında universitetin professor-müəllim heyəti və tələbələri ilə yanaşı, kino və teatr sənətinin tanınmış nümayəndələri də iştirak ediblər. Xalq artisti Ramiz Novruzov, əməkdar artistlər Vidadi Həsənov, Münəvvər Əliyeva və başqaları gənc fotoqrafın işlərini yüksək qiymətləndiriblər.