Noyabrın 8-də Azərbaycan İstiqlal Muzeyində Dövlət Bayrağı Günü (9 noyabr), Konstitusiya (12 noyabr) və Milli Dirçəliş (17 noyabr) günləri ilə bağlı “açıq dərs” keçirilib. Dərsdə “İdrak” liseyinin şagirdləri iştirak ediblər.
Muzeyin əməkdaşları mövzu ilə bağlı məruzələrlə çıxış ediblər. Məktəblilər üçün keçirilən “Tariximiz yaddaşımızdır” adlı intellektual viktorinanın qalibləri diplom və hədiyyələrlə mükafatlandırılıb. Sonda məktəblilər muzeyin ekspozisiyası ilə tanış olublar.