Şirvan şəhər Mərkəzi kitabxanasının təşkilatçılığı ilə Şirvan Dövlət İqtisadiyyat və Humanitar Kollecində “Gənclər mütaliə edir” adlı aksiya keçirilib. Tədbirin məqsədi gəncləri maarifləndirmək, asudə vaxtını səmərəli təşkil etmək, onların sağlamlıqlarının qorunması, zərərli vərdişlərdən uzaqlaşdırılması, onların mütaliəsinin düzgün istiqamətləndirilməsidir.
Mərkəzi kitabxananın əməkdaşları gəncləri kitabxananın fonduna daxil olan yeni kitablarla tanış ediblər. Gənclər kitablar haqqında fikir mübadiləsi aparıblar.