Cəfər Cabbarlı adına "Azərbaycanfilm" kinostudiyasında Mədəniyyət və Turizm Nazirliyinin sifarişi ilə çəkilən "Nizami Gəncəvi" sənədli filmi üzərində işlər davam edir.
   Dahi Azərbaycan şairinin 870 illiyinə həsr olunan ekran əsərinin rejissoru Rafiq Quliyev, operatoru Ceyhun Quliyev, icraçı prodüseri Tofiq Musayevdir. Yaradıcı qrup çəkilişlərin növbəti mərhələsini şairin doğulduğu Gəncə şəhərində həyata keçirəcək. Gəncədə ziyalıların, Nizamişünaslıq Mərkəzi alimlərinin, şəhər sakinlərin böyük həmyerliləri haqqında fikirləri öyrəniləcək, şairə aid xatirə məkanları lentə alınacaq.
   Filmin sentyabrın sonunda təhvil verilməsi nəzərdə tutulub.