Gəncə şəhərindəki “Nizami” kinoteatrında milli filmlərin nümayişinə başlanılıb. Kinoteatrın direktoru Aydın Məmmədov bildirib ki, əsas məqsəd milli kinomuzun nüfuzunu qaldırmaq, tamaşaçıların Azərbaycan filmlərinə marağını artırmaqdır. Hazırda kinoteatrda “Azərbaycanfilm”in istehsalı olan “Dolu” filmi nümayiş etdirilir. Yaxın günlərdə isə Xalq yazıçısı Elçinin ssenarisi əsasında Azərbaycan və Türkiyə kinematoqrafçılarının birgə lentə aldıqları “Mahmud və Məryəm” filminin nümayişi başlanacaq.