Sovet dövlətinin qurucusu Vladimir İliç Leninin 1987-ci ildə amerikalı rəssam Endi Uorhol tərəfindən çəkilmiş iki portreti Londonun “Phillips” hərracında müvafiq olaraq 81 və 60 min funt-sterlinqə satılıb.

Satış evinin saytında yerləşdirilən məlumata görə, “Qırmızı Lenin” və “Lenin” adlı əsərlər ilkin qiymətləndirilən məbləğdən xeyli baha satılıb. Leninin hər iki portretini rəssam ölümündən bir qədər əvvəl çəkib.

Bundan əlavə, Endi Uorholun “Bethoven” (1987) və “Səbəbsiz üsyankar” (1985) rəsm əsərləri də öz alıcısını tapıb.

Satış evində həmçinin Pablo Pikasso, Anri Mattiss, Demien Hörst və Benksinin əsərləri də nümayiş edilib. Hərracda satılan ən bahalı lot isə yaponiyalı rəssam Yayoi Kusamanın 10 rəngli applikasiyasından ibarət dəsti olub. Alıcı ona 200 min funt-sterlinq ödəyib.