Ötən ilin noyabr ayında “Mozalan” studiyası “Ən yaxşı bədii süjet ssenariləri” adlı müsabiqə elan etmişdi. Müsabiqənin məqsədi yeni müəllif qüvvələrini aşkara çıxarmaq və onlarla əməkdaşlıq qurmaqdır.
Noyabrın 15-dən dekabrın 31-dək davam etmiş müsabiqənin nəticələri açıqlanıb. “Azərbaycanfilm” kinostudiyasından verilən məlumata görə, təqdim edilən ssenarilər sırasından aşağıdakılar qalib seçilib: “Yaxşı yol” (müəllif Ramiz Fətəliyev), “Bir kitab qiymətinə” (Şəfaqət Mirzəyeva), “Sağ olsun Müseyif müəllim” (Vüqar Əlisoy), “Yol əhvalatı”, “Siqnal”, “Dayanacaq yeri” (hər üçünün müəllifi Məmməd Ağa Məmmədov, Ruslan Paşayev).

Lalə Azəri