13-24 may tarixində 68-ci beynəlxalq Kann kinofestivalı keçiriləcək. Mədəniyyət və Turizm Nazirliyinin dəstəyi ilə ölkəmizi festivalda bir qrup kino xadimindən ibarət heyət təmsil edəcək.
Dünyanın ən mötəbər kino tədbirində beşinci dəfə Azərbaycan pavilyonu fəaliyyət göstərəcək. Milli filmlərimizin nümayiş olunacağı pavilyonda prodüserlər, rejissorlar, aktyorlar və digər xarici kino xadimləri ilə görüşlər keçiriləcək, birgə layihələr müzakirə olunacaq. Burada həmçinin ölkəmizin turizm imkanlarını təbliğ edən və I Avropa Oyunları haqqında çap və videomateriallar ziyarətçilərə nümayiş etdiriləcək.