Mayın 7-də Nizami Kino Mərkəzində C.Cabbarlı adına "Azərbaycanfilm" kinostudiyasında dövlət sifarişi ilə çəkilmiş "Dərs" bədii filmi ilə bağlı mətbuat konfransı və filmin təqdimatı keçiriləcək.
Film məktəb həyatından, yeniyetmə məktəbli uşaqların münasibətlərindən, dostluğa və həyata baxışlarından, bu baxışların formalaşmasından bəhs edir.
Ssenari müəllifləri Elza Ağayeva və Anastasiya Volkova, quruluşçu rejissorları Rafiq Əliyev və Cavid Təvəkkül, quruluşçu operatoru Rauf Qurbanəliyev, prodüseri isə Müşfiq Hətəmovdur. Filmdə Nazim İbrahimov, Mənsurə Əhmədova, Rasim Cəfər və başqa aktyolarla yanaşı, Bakı məktəbliləri çəkiliblər.